Федор Достоевскай 1866 сыллаахха суруйбут "Преступление и наказание" арамаана аан дойдуга биир биллэр, сүдү айымньы. Арамаан олус дириҥ ис хоһоонноох, киһи бу дойдуга туох аналлаах кэлбитин быһаарар, олоххо оруолун, суолун көрдүүрун итэҕэтиилээхтик ойуулуур. Суруйааччы дьоруойа, үтүө, көнө майгылаах, дьон сиэринэн олорор эдэр киһи Родион Раскольников ыар буруйу оҥорон баран, онтукатын ис дууһатынан боруостуу сатыыр. Арамаан сүрүн ис хоһоонугар кини аньыыттан - хараттан кутун - сүрүн айманыытын арыйан көрдөрөр. Айымньы урукку кэмҥэ даҕаны сурулуннар, сүрүн темата билиҥҥи, аныгы кэмҥэ суолтатын сүтэрбэт.
Оскуола бырагырааматынан сыанаҕа турбут айымньыны Майа сэлиэнньэтин олохтоохторо олус кэрэхсээн, сэргээн көрдүлэр - иһиттилэр. Ол курдук, испэктээкил көрөөччүгэ олус тиийимтиэ, сорох түгэҥҥэ уйадытар уонна толкуйдатар уратылааҕа өссө төгүл билиннэ. Оонньооччу артыыстар оруолларын итэҕэтиилээхтик толорон, хас биирдии дьоруой ис эйгэтин көрөөччүгэ тиэртилэр.
Режиссер - СӨ ускуустубатын үтүөлээх диэйэтэлэ Александр Титигиров.
Худуоһунньук – СӨ култууратын туйгуна Егор Аммосов.
Оруоллары толордулар: Никита Соловьев, Елизавета Далбараева, Спартак Ларионов, Айыына Слепцова, Арсен Семенов, Татьяна Хомподоева, Ньургун Черов, Екатерина Хоютанова, Кирилл Рожин.
Подписаться на новости
Получайте самые свежие и актуальные новости от SakhaTime!
Управление рассылками
