19.07.2021 14:48
Биир дойдулаахпыт эдэр, кэскиллээх урбаанньыт, "Талакаан" чааһынай тэрилтэ, республикатааҕы Оҕунан ытыы Федерациятын салайааччыта Василий Николаев @vasily__petrovich бу кэмҥэ эмиэ туора турбакка Солоҕон баһаарыгар көмөтүн ыытта.
Онон Солоҕон олохтоохторо Василий Николаевка махталлара муҥура суох. Улууспут бу курдук үтүө санаалаах ыччаттарынан, хайы да кэмҥэ туора турбат дьонунан-сэргэтинэн киэн туттар. Маннык ыччаттардаах улуус инникитин да сайдыылаах, киэҥ кэскиллээх буолара саарбахтаммат.
Санатар буоллахха, улууспутугар ыытыллыбыт Манчаары оонньууларыгар Василий эмиэ бэйэтин кылаатын киллэрсэн, ох саанан ытыы көрүҥүн муҥутуур кыайыылааҕар Дарья Фоминаҕа сабыс-саҥа массыына күлүүһүн туттарбытын үгүс дьон өйдүүр буолуохтаах.
Биир дойдулаахпыт үтүө холобура атыттары эмиэ, бу маннык ыксаллаах кэмҥэ өйөбүл, тирэх буоларга көҕүлээтин.
Газета «Улэ Кууьэ - Сила труда».
Обратите внимание!
КОММЕНТАРИИ
Подписаться на новости
Получайте самые свежие и актуальные новости от SakhaTime!
Управление рассылками
