Бэйэм харахпынан кэпсиим. Миигин 6:10ч диэки ылбыттара. Куорат иһинэн дьон хомуйа сырыттаҕына утуйан хаалбытым. Уһуктан ыла-ыла көрөр этим ханна кэлбиппитин. Утуйа сытан иһиттэхпэ муус массына аанын аалар аҕай, онтон тоҕо эрэ иннилэ да, кэннилэ буолар. Соторунан уһугуннарбыттара тахсан анньыахха диэн, массынаны таһааран баран төптөрү өттүгэр барбыта. Маас 7:24 курдук өйдүүбүн. Киирэн эмиэ утуйардыы оҥоһуннум, харахпын симэн сыттахпа тоҕо эрэ төптөрү маары уруулун эрий да эрий буолар. Сытан эрэ Хараҕым быыһынан көрөбүн түннүгүнэн, прожектордар уоттара көстөллөр, үөт мастар көстөллөр. Сытан эрэ толкуйдуубун, биэрэктэн чугас сылдьар эбиппит дии игин диэн. (У меня не приятная привычка, все оценивать, планировать заранее.
Все возможные варианты событий игин, из-за этого не могу успокоиться пока все не решится). Онтон дьэ көнөтүк барда, эмиэ утуйан истэхпэ, ааннаргытын арыйталаан эрэ диэни истэн хааллым. Мин самай кэннигэр олоробун, массыына ууга түспүтэ игин көстүбэт, хаһан туох буолбутун өйдүөхпэр дылы, хата аттыбар олорор дьэдьэ ынырык түргэнник түннүгүн алдьаппыт этэ. (Ол киһиэхэ махталым муҥура суох). Ол киһи кэннэ сразу түннүккэ ыстанным, тахсыбытым барыта уу, кече курдук. Тахсаат прожектордар көстөр өттүлэригэр харбаатым. Биир дьэдьэ устан бара турда быһаан дии-дии. Бастакы мууска тиийдим алдьанна, иккискэ тиийдим алдьанна, үһүскэ тиийэммин дьэ ууттан таҕыстым быһылаҕа. Тахсан түөрт атах буолан турдум, мууһум хайдыахча, арыый да буолан баран биир атахпар тобуктаан олордум. Уонна дьону маныыбын. Тахсан иһэн көрөбүн, массына полностью уу анныгар барбыт, олох тэйэн хаалбыт 30 миэтирэ курдук ырааппыт, (сүүрүгэ күүстэх баҕайы быһылах). Дьон массыына үрдүгэр тахсан (массына үрдүгэр тахсар былаан суоҕа, төһө дириҥэ хайдах да биллибэт этэ), массына уота костер, уонна массынаттан хаһытыыллар оҕо баар да диэн (точна чүөчэ уонна дьэдьэ баарын өйдүүбүн). Бары суох диллэр, биир киһи мин ойоҕоспор эмиэ быыһаан дии-дии мууска тахса сатыыр, арыый тахсан баран сытан эрэ телефонун хостоон бастаан дьонугар эрийэ сатыыр, онтуката саҥарара иһиллибэт быһылах.
Онтон мигиттэн ыйытар 911 эрийэбин да диир, суох 112 эрий диибин, эрийэр да эмиэ иһиллибэт быһылах. Фонаригынан далбатыы сатыыр. Иһиттэхпинэ техника тыаһыыр, бастаан чугас массыналар сылдьаллар ду дии саныыбын, онуулахан баҕайытык тыаһыыр арааһа көтөр ааллар быһылах. 10- ча мунүүтэ буолбута ду суоҕа ду, салыбыраан барбытым. Ол олордохпо мууһум аргаайдык тимирэн иһэр (Биир мууска тахсаат биэрэк диэки барыам дии санаабытым, көрөбүн барыта чап-чаһаас муустар, алдьаммыттар, чэ аҕыйах мүнүүтэ хотя бы үрдэ тоҥорун күүтүөм диэммин олордум). Уонна олорон эрэ толкуйдуубун, ити киһи эрийдэ дии МЧС-тарга, билигин 10- ча мүнүүтэнэн кэлэллэр ини диибин (Даркылах суолунан диир этэ, оказывается еще дальше в 3 км). Өссө толкуйдуубун өйдөөбөтүлэр быһылах дии өр буолаллара буолуо диэн. Санаабар испинэн эрэ томмут курдукпун. Уонна испэр саныыбын эс куорат чугас бытта тиийэбин диибин. Дьэ тобуктаан сыыллан саҕалаатым ээ. Хамсанааппын кытта өйдөөбүтүм, бачынкам игин барыта ууга турар. Тобуктарым таас курдук буолбуттар, оннук сыллан халын мууска дылы тиийдим. Туран баран илиилэрбин керен баран, (инстаграмна баар видеоны өйдөөн кэллим, оҕонньор илиилэрэ мууһуран баран, бэйэ-бэйэлэригэр охсуһуннарарыгар тас-тас гынан тыаһыырын) мин эмиэ оннук охсуолан көрдүм эмиэ тас-тас гына тыаһыыр, сиэхтэрим иһигэр уктан бистим. Бэргэьэм барыта ибис инчэхэй буолбутун иһин баран иһэн бырахпытым, уонна капюшоммун тардынным. Көрдөхпө арай талахтар чугас курдуктар да, олох чугаһаабат биир сиргэ турар курдуктар. Талахтар кытыыларынан уоттар диэки бара турдум.
Талахтары ааһан куоракка чугаһаатым, ыраахтан көрдөхпө, туох эрэ база баар курдук, барыта күрүө курдук. Уонна эмиэ толкуйдуубун күрүөнү ыттан тахсабын дуу, кытыытынан хааман барабын дуу диэн. Паромнар ду, катердар ду иннилэринэн ханнык эрэ күрүө иһигэр баар буоллум, ханнык да дьиэҕэ уот көстүбэт, уулусса көстүбэт (ворота аана сабылаах турбут эбит), олбуор ортотугар туран эрэ ханан уулусса баарын көрдьүүбүн. Воротаны көрөммүн онон ыттар инибин диэн ол диэки баран истим. Ыт бөҕө баар, үрэллэр да үрэллэр. Онтон биир дьиэттэн киһи ыттары буойарын иһиттим, эргиллэн көрбүтүм киһи тахсан иһэр эбит. Баҕар миигин көрбөтөҕө буолуо диэммин сүүрэн тиийдим уонна баһаалыста киллэрэҕит да массыына ууга түстэ диибин. Ону киһим, «нет-нет тут мои дети спят» диир, билигин таҥнан баран тахсыам диир. Уонна ааны сабан бистэ, күүтэн турдум онно. Тахсан баран онно маҕаһыын баар олорго эт диир. Ворота диэки баран иһэн «пожалуйста пойдемте со мной, покажите» диибин нет там близко диэн илиитинэн көрдөрөр, «ну хотя бы позвоните в 112, там люди тонут» диибин, эмиэ «нет-нет, там в магазине скажи» диир. Уонна аанын арыйан биэрдэ. Онтон тахсан баран кыратык хаампыппын кэннэ хата 50 миэтирэҕэ, уоттаах дьиэ көстөр, онно сүүрдүм. Тиийэн баран ааны арыйаары илиилэрбин көрдүм, куурткам сиэҕэ игин барыта муус буолан хаалбыт илиим тахсыбат. Бачынкам кестубэт буолуор дылы тобукпар дылы конкретно муус буолан хаалбыт. Оннук сиэхтэрбинэн аан тутааҕын харбыы сатыыбын. Хата кэлбиппин, КПП үлэһитэ көрөн, утары арыйбыта.
