10.05.2026 18:17
Сайын саҕаланар ыйа, ол эбэтэр сиргэ Иэйэхсит Айыы Хотун түһэр кэмэ. Иэйэхсит түстэҕинэ уйгу-быйаҥ үөскүүр. Бу кэмтэн айылҕа уһуктан, от-мас көҕөрөн, сир-дойду киэркэйэн барар.
Ыам ыйын күнүнэн-дьылынан сайын хайдах буолуон, күһүн кэлиитин билгэлииллэр. Ыам ыйын хатааһынынан уу кэлэрин быһаараллар. Мас үнүгэһинэн, кус кыыл ханна уйаланарынан, ньургуһун үүнэринэн сайыны билэллэр.
Бу ый суолтата – айылҕа ыраастанар. Дьон тиэргэннэрин ыраастаналлар, арчыланаллар. Ыам ыйын 8 күнүгэр Өксөкүлээх Өлөксөй аатынан норуоттар доҕордоһууларын дьиэтигэр Саха норуотун биир бастыҥ талааннаах дьонноро Зинаида Григорьева – Сайаана, Матрена Ядрихинская, Александра Контогорова кэлбит дьоннору арчылаатылар, арыылаах алаадьынан айах туттулар.
«Саха эйгэтэ» түмсүүнү бэйэтэ ылсан тэрийэн саха омугун түмэн ситиһиилээхтик салайа сылдьар киһибит Екатерина Петровна Новикова- Дьулуура көрөөччүлэрбитигэр эҕэрдэ ырыаны бэлэхтээтэ.
«Кут-Сүр» кыһа сэһэнньитэ, ХИФУ профессора, ф.н.д. Андрей Саввич Саввинов сэһэнин Айыы итэҕэлинэн сахаларга Иэйэхсит диэн өйдөбүлү тириэртэ, кэпсэтии санаа атастаһыытынан түмүктэннэ.
Пресс-служба ДДН РС(Я)
Бу ый суолтата – айылҕа ыраастанар. Дьон тиэргэннэрин ыраастаналлар, арчыланаллар. Ыам ыйын 8 күнүгэр Өксөкүлээх Өлөксөй аатынан норуоттар доҕордоһууларын дьиэтигэр Саха норуотун биир бастыҥ талааннаах дьонноро Зинаида Григорьева – Сайаана, Матрена Ядрихинская, Александра Контогорова кэлбит дьоннору арчылаатылар, арыылаах алаадьынан айах туттулар.
«Саха эйгэтэ» түмсүүнү бэйэтэ ылсан тэрийэн саха омугун түмэн ситиһиилээхтик салайа сылдьар киһибит Екатерина Петровна Новикова- Дьулуура көрөөччүлэрбитигэр эҕэрдэ ырыаны бэлэхтээтэ.
«Кут-Сүр» кыһа сэһэнньитэ, ХИФУ профессора, ф.н.д. Андрей Саввич Саввинов сэһэнин Айыы итэҕэлинэн сахаларга Иэйэхсит диэн өйдөбүлү тириэртэ, кэпсэтии санаа атастаһыытынан түмүктэннэ.
Пресс-служба ДДН РС(Я)
Реклама на сайте
